चाळीसगाव तालुक्यात गोवंश मांस विक्रीचे रॅकेट उघड; ४६ किलो प्रतिबंधित मांस जप्त!

चाळीसगाव ग्रामीण पोलीस स्टेशन हद्दीत गोवंश जातीच्या जनावरांचे मांस बेकायदेशीररित्या विक्री करण्याचा धंदा तेजीत असल्याची धक्कादायक बाब उघडकीस आली आहे. गुप्त माहितीच्या आधारे पोलिसांनी भोरस बुद्रुक येथे छापा मारून सय्यद मेहबूब कुरेशी नावाच्या आरोपीला रंगेहाथ पकडले असून, सुमारे ४६ किलो प्रतिबंधित मांस आणि विक्रीचे साहित्य जप्त करण्यात आले आहे.

ग्रामीण पोलिसांनी तत्परता दाखवत अवैध धंद्यावर हा मोठा प्रहार केला आहे. आरोपी सय्यद मेहबूब कुरेशी याच्या घरी मांस विक्रीचा हा गोरखधंदा सुरू असल्याची खात्रीशीर माहिती पोलीस हवालदार तुकाराम जुलालसिंग चव्हाण यांना मिळाली होती.छापा आणि पंचनामा

मिळालेल्या माहितीनुसार, पोलीस उपनिरीक्षक कुणाल चव्हाण यांच्या नेतृत्वाखालील पथकाने पंचांना सोबत घेऊन भोरस बुद्रुक येथील कुरेशी याच्या घरावर धाड टाकली. पोलिसांनी पाहणी केली असता, घरात चार मोठ्या नायलॉनच्या गोण्यांमध्ये जनावरांचे मांस आढळून आले.

आरोपी कुरेशी याला विचारले असता, त्याने हे मांस चाळीसगाव येथून विक्रीसाठी आणल्याचे कबूल केले. मात्र, महत्त्वाचे म्हणजे, त्याच्याकडे या प्रतिबंधित मांसाच्या विक्रीसाठी कोणताही अधिकृत परवाना नव्हता. त्यामुळे सय्यद कुरेशी हा कायद्याचे उल्लंघन करून हा अवैध धंदा चालवत असल्याची पोलिसांची खात्री झाली.

नमुने तपासणीसाठी रवाना

कारवाईदरम्यान, पोलीस उपनिरीक्षक चव्हाण यांनी तात्काळ पशु वैद्यकीय अधिकारी डॉ. शामसुंदर मणी यांना पाचारण केले. डॉ. मणी यांनी पंचांसमक्ष मांसाचे प्रत्येकी १०० ग्रॅम वजनाचे नमुने घेऊन ते रासायनिक तपासणीसाठी सीलबंद केले. या नमुन्यांवर पोलीस अधिकारी, पंच आणि पशु वैद्यकीय अधिकाऱ्यांच्या सह्यांचे लेबल लावले गेले.उर्वरित मांसाचे वजन केले असता, ते तब्बल ४६ किलोग्रॅम भरले. या प्रतिबंधित मांसाची किंमत सुमारे ७,३६० रुपये इतकी आहे.विक्रीचे साहित्य जप्त

पोलिसांनी केवळ मांसच नव्हे, तर बेकायदेशीर विक्रीसाठी वापरले जाणारे सर्व साहित्य जप्त केले. यात लोखंडी कुरडी, मोठे-छोटे सुरी, ५ किलो क्षमतेचा लोखंडी बॅलन्स काटा, तसेच १ किलो, ५०० ग्रॅम, २०० ग्रॅम आणि १०० ग्रॅम वजनाची लोखंडी वजने असा एकूण ८,४८० रुपये किमतीचा मुद्देमाल जप्त करण्यात आला आहे.

गोवंश मांस विक्रीसारखे अवैध धंदे समाजात तेढ निर्माण करतात आणि आरोग्यासाठीही धोकादायक असतात. चाळीसगाव ग्रामीण पोलिसांनी केलेली ही कारवाई नक्कीच कौतुकास्पद आहे. या रॅकेटच्या मुळापर्यंत जाऊन संबंधितांवर कठोर कारवाई करावी, अशी अपेक्षा सामान्य नागरिकांकडून व्यक्त होत आहे.

---

ग्रामस्थ लाईव्ह

संपादक: किसनराव जोर्वेकर

बातम्या आणि जाहिरातीसाठी संपर्क: बबलु अहिरे, चाळीसगाव